Facebook Twitter Youtube RSS
  • Ahmedabad  
  • Login
  • Register
Home» Life» Health» Nature helps in reenergize

શાંતિ અને રાહત માટે પ્રકૃતિ તરફ પગરણ

જીજીએન ટીમ દ્વારા | June 28, 2012, 08:02 PM IST

અમદાવાદ : પ્રકૃતિના રમ્ય વર્ણનોની કવિતા ખૂબ વંચાય છે ઇવન ફેસબુક પર પણ નેચરના ફોટોગ્રાફસને સૌથી વધુ લાઇક કરવામાં આવે છે. જે પ્રકૃતિના ફોટોગ્રાફ્સના વર્ણન, કવિતાઓ વાંચીને આપણું મન ખુશખુશાલ થઈ  થઈ ઉઠે છે. તે જ પ્રકૃતિના ખોળે જતા આપણે પ્રકૃતિના સોમ્યરૌદ્ર સૌંદર્યને જોવામાં એવા ડૂબી જઇને બસ મૌન થઈ જઈએ છીએ. અભ્યાસક્રમમાં ભણાવાતી કવિતાઓ જેમ કે, ‘સોલિરટી રિપર’, ‘ડેફોડિલ્સ’ અને ‘આઇ વન્ડર એઝ લેન્લી ક્લાઉડ’ આ ઉપરાંત ગુજરાતી કવિતાઓ ‘ભોમિયા વિના મારે ભમવાતા ડુંગરા, જંગલની કુંજ કુંજ જોવી હતી....’ ‘પતંગિયુંતો રંગની ઢગલી’, ‘ખારા ખારા ઉસ જેવા આછા આછા તેલ’  આ કવિતાઓના વર્ણનમાં પ્રકૃતિનું વર્ણન આવે છે. અને આપણી કલ્પનાઓમાં ડુંગરા, નદીઓ, પર્વત, વહેતા ઝરણા, ઉગતો આથમતો સૂરજ, પંખીઓનો કલરવ, વરસાદ, વીજળી વગેરે આકાર લેવા લાગે છે.

પ્રકૃતિના રંગો આપણને ક્ષણમાં ઉર્જાવાન બનાવી દે છે. બાળપણથી આપણે સૌએ એવું સાંભળ્યું પણ છે અને અનુભવ્યું છે કે, પ્રકૃતિ સતત આપણને કંઇકને કંઇક આપતી રહે છે. જે આપણા માટે ફાયદાકારક હોય છે. તેમ છતાં નેચરને માણવું અને સતત પ્રકૃતિ સાથે જોડાયેલા રહેવું- તે પરિસ્થિતિમાં ઘણો ફેર છે.

આ અંગે વાત કરતા બેંગ્લોરના ઇન્ડિયન ઇન્સ્ટિટયૂટ ઓફ સાયન્સના એનર્જી એન્ડ વેટલેન્ડ રિસર્ચ ગ્રુપ સેન્ટર ફોર ઇકોલોજીકલ સાયન્સીસઝના રિસર્ચ સ્કોલર સુમેશ દુદાનીએ જણાવ્યું હતું કે,  હું જ્યારે બોટનની વિદ્યાર્થી હતો ત્યારે હું મારી ટ્રીપ દરમિયાન પ્રકૃતિના સંપર્કમાં આવ્યો. અને તેન  વિવિધતા હું સમજ્યો. પરંતુ હું જ્યારે વિદ્યાર્થી તરીકે નહીં, પરંતુ એક ટ્રાવેલર તરીકે જ્યારે હું પ્રકૃતિના વિવિધ રંગોને  જોતો  તો હું તેમાં ખોવાઈ જતો હતો. નેચરની વચ્ચે રહીને મારું મગજ તથા શરીર એકદમ પોઝિટિવ એનર્જી અનુભવતું હતું અને પ્રકૃતિએ આપેલી આ ઉર્જા મને જીવનના સારા ખોટા સમયમાં બેલેન્સ રાખવામાં ઘણી મદદ કરે છે.

જો હું એક રિસર્ચર તરીકે કુહું તો જ્યારે મારા મિત્રો સાથે અભ્યાસને લગતું ટીમ વર્ક કરીએ છીએ ત્યારે મને ખબર પડે છે કે પ્રકૃતિ મનને શાતા આપનારી તો છે જ સાથે સાથે ઘણા બધા ઔષધીય ગુણો ધરાવે છે. વિપુલ પ્રમાણમાં ઔષધીય ગુણો ધરાવતી પ્રકૃતિનું જતન આપણે કરવું જોઈએ.

પ્રકૃતિમાં આપણને રિચાર્જ કરવાનો પાવર સમાયો છે એ વાતની પ્રતિતી આપણા આઉટિંગ પોઇન્ટ આપે છે. મનુષ્યો ફરવા માટે એવા જ સ્થળોની પસંદગી કરે છે જે પર્વતીય વિસ્તારમાં કે નદી, દરિયા કે જંગસ પાસે હોય. આ બાબતનું કારણ આપતા સુમેશ દુદાનીએ જણાવ્યું કે, પ્રકૃતિ લોકોને એક રસ્તો બતાવે છે કે પ્રકૃતિને નકારાત્મક વસ્તુ આપીને પ્રકૃતિમાંથી હાકારાત્મક ઉર્જા લેવી જોઈએ.

ખરેખર કદાચ એટલે જ, સૃષ્ટિના નયનરમ્ય દ્રશ્યોને જોઈને મનુષ્ય જીવનની હતાશા અને ચિંતાઓ દૂર ધકેલાઈ જતી હોય છે. જ્યારે કોઈ વ્યક્તિ ઘેર ઝઘડી હોય અથવા તો ઉદાસ હોય ત્યારે ખુલ્લી જગ્યામાં જવું પસંદ કરતી હોય છે. પ્રકૃતિ તેના ગુસ્સાને શમાવીને તેને શાંતિની ભેટ આપતી હોય છે.

બેંગ્લોરના ઇન્ડિયન ઇન્સ્ટિટયૂટ ઓફ સાયન્સના એનર્જી એન્ડ વેટલેન્ડ રિસર્ચ ગ્રુપ સેન્ટર ફોર ઇકોલોજીકલ સાયન્સીસઝના રિસર્ચ એસોસીએટ ડો. પ્રકાશ મેસ્તાઓ કહ્યું હતું કે, મેં મારી બેંગ્લોરની વિઝિટ દરમિયાન નોંધ્યું કે, શહેરનું જીવન એકદમ યંત્રવત્ ચાલતું હોય છે. ચારે બાજુ ધૂમાડા તથા પ્રદુષણયુક્ત હવાનું આવરણ છવાયેલું હોય છે. કોઈનો એક્સડન્ટ થાય તો ફણ  લોકો રસ્તામાં ઘવાયેલા માણસની પરવાહ કરતા નથી. જ્યારે અહીં કર્ણાટક અને ગોવાની બોર્ડર પર આવેલા કુમટાના દરિયાઈ પટ્ટામાં પ્રકૃતિ સાથે જીવતા લોકો આવા સંજોગોમાં તુરંત મદદ કરવા દોડી આવે છે.

પ્રકૃતિ રંગીનની સાથે થોડી ભયાવહ પણ ખરી

જંગલ, પહાડો, ઝરણાઓ વચ્ચે જીવવાનો પોતીકો આનંદ અને મજા છે, પ્રકૃતિ વચ્ચે જીવતા લોકો પ્રમાણમાં સ્વસ્થ હોય છે કારણ કે તેમને શુદ્ધ વાતાવરણ મળી રહે છે, પરંતુ તેની સાથે સાથે થોડા જોખમો પણ રહેલા છે તે અંગે વાત કરતા ડો. પ્રકાશ કહે છે કે આ રીતે રહેવું મુશ્કેલ હોવાથી થોડું સચેત રહેવું જોઈએ. અમે જ્યારે ઘણી વાર ટૂરમાં જઈએ છીએ તો જંગલી સાપ, ગરોળી, જોખમી ઢોળાવોનો સામનો કરવો પડે છે, પરંતુ અમે અમારી ફસ્ટ એડ કિટથી સજ્જ રહીએ છીએ.

કરો પ્રકૃતિનું જતન

પ્રકૃતિને સાથે રાખીને આપણે ઝડપથી રિચાર્જ કરી શકીએ છીએ. શહેરી જીવનની દોડધામમાં પ્રકૃતિ જ આપણને રાહત આપી શકે છે. માટે શહેરીજીવન જીવતા દરેક મનુષ્યોએ પોતાની આસપાસ પ્રકૃતિનું સર્જન કરવું જોઈએ અને પર્યાવરણ સૃષ્ટિને બચાવવાના પ્રયત્ન તો કરવા જોઈએ.

વાહનોનો ઉપયોગ ઓછો કરીને કાર્બનડાયોક્સાઇડનું પ્રમાણ ઓછું કરી શકાય.

પ્રદૂષણ ઓછું થાય તે માટે પબિલ્ક ટ્રાન્સપોર્ટેશનનો ઉપયોગ કરવો જોઈએ.

ઘરની આસપસા વધુમા વધુ વૃક્ષો ઉછેરવાં જોઈએ.

શહેરમાં ઓછી જગ્યાની સમસ્યા હોય તો તમે બાલ્કની ગાર્ડન કે ટેરેસ ગાર્ડન બનાવી શકો.

સોસાયટી કે એપાર્ટમેન્ટમાં કોમન ગાર્ડન ડેવલપ કરવો જોઈએ. કોમન પ્લોટમાં વૃક્ષો વાવવા જોઈએ.

Reader's Feedback:

blog comments powered by Disqus

Today Cartoon

 

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 80.08 %
નાં. હારી જશે. 19.27 %
કહીં ન શકાય. 0.65 %

SUBSCRIBE TO FREE "TOP NEWS UPDATES" DIRECTLY ON YOUR MAIL EVERY WEEK.

 

Email Address: