Facebook Twitter Youtube RSS
  • Ahmedabad  
  • Login
  • Register
Home» Interview» Entertainment» Celebrities miss school days on independence day

સ્વાતંત્ર્ય દિને સેલિબ્રિટીઝ યાદ કરે છે સ્કુલના દિવસો

Medha Pandya Bhatt | August 15, 2013, 02:13 PM IST
celebrities miss school days on independence day

મુંબઈ : આઝાદીનો દિવસ દરેક વ્યક્તિને યાદ હોય છે. આજે જ્યારે દરેક શાળામાં, સેવાકીય સંસ્થાઓ, સરકારી કચેરીઓમાં આ દિવસે ધ્વજવંદન કરવામાં આવે છે, ત્યારે ગ્લેમરસ દુનિયા સાથે જોડાયેલી વ્યક્તિઓ પણ તેને યાદ કરવામાં કે ઊજવવામાં પાછળ રહે તેમ નથી. ઇન્ડિપેન્ડન્સ ડે તેમના માટે કેટલો મહત્વનો છે, તે વિશે જાણીએ ટેલિવૂડના સિતારાઓના વિચારો મેધા પંડ્યા ભટ્ટ સાથેની વાતચિતના આધારે.....

સ્ટાર પ્લસની ‘પ્યાર કા દર્દ’નો નકુલ મહેતા

“મારા માટે આઝાદી એટલે પસંદગી અને અભિવ્યક્તિની સ્વતંત્રતા.67મા સ્વાતંત્ર્ય દિને હું સ્વતંત્ર ભારતના નાગરિક હોવા બદલ આનંદ અને ગર્વની લાગણી અનુભવું છું. આ દેશે મને પસંદગી અને અભિવ્યક્તિની સ્વતંત્રતા આપી જેના કારણે હું અભિવયની દુનિયામાં પ્રવેશ્યો છું. હા, સ્કૂલના દિવસો હજુ મને યાદ આવી જાય છે. અમે નાના હતાં ત્યારે વિવિધ સ્પર્ધાઓ સ્કૂલમાં યોજાતી. મેં પણ અનેક સ્વાતંત્ર્યની લડતના વીરોની વેશભૂષા સ્પર્ધામાં ભાગ લીધો હતો અને ઈનામો પણ મેળવ્યા હતાં. તમામ ભારતીયોને સ્વતંત્રતા પર્વની હાર્દિક શુભેચ્છાઓ...”

ઝી ટીવીની ‘પવિત્ર રિશ્તા’નો હિતેન તેજવાની

“ભારતીય હોવાનો એટલો ગર્વ છે કે શબ્દોમાં ન વર્ણવી શકાય. નાનપણથી આ દિવસનું અનેરું આકર્ષણ રહ્યું છે. સ્કૂલમાં હતાં ત્યારે રજાનો આનંદ હતો. પણ પછી સ્વતંત્રતાની વ્યાખ્યા સમજાતાં આ દિવસે સ્ટેજ પર રાષ્ટ્રગીત અને અન્ય દેશપ્રેમના કાર્યક્રમોમાં ભાગ લેવા માટે હૈયું થનગની ઊઠતું. ધ્વજવંદન ટાણે આંખો ભીની થઈ જતી. સ્વતંત્ર ભારતમાતાને સો-સો સલામ...આપણી સ્વતંત્રતાને બરકરાર રાખનાર શહીદો અને સરહદ પર રાત-દિવસ પહેરો ભરતાં જાંબાઝ જવાનોને પણ શત્ શત્ વંદન સાથે સૌ દેશવાસીઓને આઝાદી પર્વની શુભકામનાઓ...”

ગાયક પન્ના ગીલ, ‘ઈન્ડિયન આઈડોલ-2’

“હું નાનપણથી સ્વાતંત્ર્ય દિન અને પ્રજાસત્તાક દિન નિમિત્તે સ્કૂલની સ્પર્ધાઓમાં ભાગ લેતી અને અઢળક ઈનામો પણ મેં જીત્યાં છે. ફિલ્મ ‘હકીકત’નું સદાબહાર દિલેર સૉંગ ‘કર ચલે હમ ફિદા, જાન-ઓ-તન સાથિયોં’ મારું પ્રિય ગીત છે. આજે હું અનેક સૉંગ ભલે ગાઉં પણ ગિવસમાં એકાદવાર તો આ ગીત અચૂકપણે ગણગણી જ લઉં. આ સૉંગ ગાતાં કે સાંભળતાં આંખો ભીની થઈ જાય છે અને આપણે સ્વતંત્ર હવામાં શ્વાસ લઈ શકીએ એ માટે સરહદ પર દુશ્મનોની ગોળીઓને સામી ધાતીએ ઝીલતાં ઝવાનો પર ગર્વની લાગણી થઈ આવે છે. આજના આ આઝાદીના પર્વ નિમિત્તે જાંબાઝ જવાનોને સલામ અને તમામ દેશવાસીઓને હાર્દિક શુભેચ્છાઓ...”

અવની સોની, પ્રોડ્યુસર એન્ડ ડાયરેક્ટર

“મને ડાન્સિંગનો ખૂબ જ શોખ હતો અને સ્કુલની દરેક એક્ટિવીટીઝમાં હું હંમેશા ભાગ લેતી હતી. 7 સ્ટાન્ડર્ડમાં હતી ત્યારનો સમય મને આજેપણ યાદ છે. તે સમયે મેં 15 ઓગષ્ટના દિવસે ‘કર ચલે હમ ફિદા જાન-ઓ-તન સાથિયોં’ પરથી શહીદ જવાનનો રોલ પ્લે કર્યો હતો. મને ફર્સ્ટ પ્રાઇઝ મળ્યું હતું. મને ફર્સ્ટ પ્રાઇઝ મળ્યું  તેનો આનંદ હતો પણ તેનાથી પણ વધારે આનંદ આપણે આપણા શહીદોને જે દિલથી શ્રદ્ધાંજલી આપીએ છીએ તેનો હતો, જેનો એક ભાગ હું પણ બની હતી. મને યાદ છે કે 15મી ઓગષ્ટના દિવસની કોઇપણ કલ્ચરલ એક્ટિવીટી મે ક્યારેય મિસ નથી કરી અને આજના દિવસે હું તેને ખૂબ જ યાદ કરું છું. મને દેશના જવાનો પ્રત્યે ખૂબ ગર્વ છે, તે લોકો સતત સતર્ક રહે છે અને એમના કારણે જ આપણે શંતિથી જીવી રહ્યા છીએ. હું તેમનો આજના દિવસે ખાસ આભાર માનીશ. હેપી ઇન્ડિપેન્ડન્સ ડે...”

શોએબ ઇબ્રાહીમ, એક્ટર

“સ્કુલના સમયમાં 15 ઓગષ્ટના દિવસે મારા માટે સૌથી મોટું એક્ટ્રેક્શન મિઠાઇનું રહેતું. મને આ દિવસ ખૂબ જ ગમતો કારણકે સ્કુલમાં ભણવાનું હોતું નહી. અને જે 2-3 કલાક જવાનું હતું તેમાં ફક્ત ધ્વજવંદન અને કલ્ચરલ એક્ટીવીટી જોઇને, પાછા ફરવાનું. છેલ્લે ઘરે જતી વખતે જે લડ્ડુ આપવામાં આવતા તે મને ખૂબ પ્રિય રહેતા. હું 15 ઓગષ્ટના દિવસે ખાસ તો ડાન્સ પરર્ફોમન્સમાં પાર્ટ લેતો. જો કે એક વાત છે કે હું આજેપણ આ દિવસને ખૂબ જ દિલથી ઊજવું છું, હું દર વર્ષે અને આજે પણ મારી સોસાયટીમાં ફ્લેગ ડોસ્ટીંગ માટે જાઉં છું. પણ એકવાત જરૂર કહીશ કે સ્કુલના એ દિવસોનું ધ્વજવંદન હરહંમેશ યાદ કરું છું.”

નેહા મહેતા, એક્ટ્રેસ

“ધ્વજવંદનમાં ભાગ લેવો દરેક ભારતીય માટે ખૂબ જ ગર્વની બાબત ગણાય છે. 15 મી ઓગષ્ટના દિવસે હું મારી સ્કુલના માર્ચ પાસ, પરેડ, ધ્વજવંદન તે બધામાં ભાગ લેતી, અને પછી તરત જ કલ્ચરલ એક્ટવીટીમાં પાર્ટ લેવા માટે જે રીતે બેકસ્ટેજ તૈયારીઓ કરતા તે યાદ કરું છું. હું પહલેથી જ ડાન્સ અને સીંગીંગમા ખાસ ભાગ લેતી. મને આજેપણ યાદ છે કે મેં ગ્રુપમાં ‘એ મેરે વતન કે લોગો...જરા આંખ મેં ભર લો પાની...’સોંગ ગાયું હતું અને અમને સ્ટેન્ડિંગ ઓવેશન મળ્યું હતું. હવે એ દિવસો રહ્યા નથી. પણ આજનો દિવસ હું એક અનાથઆશ્રમના બાળકો સાથે વિતાવીશ. તેમના માટે ચોકલેટ્સ અને બીજી વસ્તુઓ લઇ જઇશ. આખો દિવસ ત્યાજ પસંર કરવાની છું. તેમની સાથે રહીને હું પણ મારા બાળપણના આ દિવસને સેલિબ્રેટ કરીશ.”

અજય આર્યા, એક્ટર

“આજનો 15મી ઓગષ્ટનો દિવસ અમે ખૂબ જ સુંદર રીતે ઉજવવાના છીએ. હું મારા મિત્રો અને ફેમિલી સાથે અનાથ આશ્રમના બાળકો સાથે સમય પસાર કરવાના છીએ. તેમના માટે અમે કેક લઇને જઇશું અને ત્યાં જઇને પછી ત્યાંથી કંઇક ફૂડ ઓર્ડર કરીશું અને તેમની સાથે જમીશું. જ્યારે હું નાનો હતો ત્યારે સ્કુલમાં જે ફંક્શન થતાં તેમાં ફેન્સીડ્રેસ કોમ્પિટીશન યોજાતી તે ખૂબ જ એન્જોય કરતો. કોઇ ચાચા નહેરું, કે ગાંધીજી બનતા. જોકે હું સીંગીંગમાં પાર્ટ લેતો. આજે સ્કુલમાંથી નીકળ્યા પછી આ દિવસને ઊજવવો જરૂરી બની જાય છે. આપણે કહીએ કે આપણે ઇન્ડિયન છીએ પણ આપણે આપણા દેશને ફોલો કરતા જ નથી. તે જરૂરી છે. દેશની રાષ્ટ્રભાષાને ન્યાય આપવો જોઇએ. બીજા દેશોમાં દરેક વ્યક્તિ પોતાની ભાષાને ન્યાય આપે છે. જે આપણા દેશમાં નથી. આજના દિવસે હું એટલું જ કહીશ કે બી રીયલ, બી પ્યોર, બી શ્યોર, બી ઓનેસ્ટ, લવ એન્ડ રિસ્પેક્ટ યોર ફેમીલી.”

લવલીન કૌર સાસન, એક્ટ્રેસ

“હું છેલ્લા બે વર્ષથી ઇન્ડિયપેન્ડટ ડે સેલિબ્રેટ કરી શકી નહોતી, પણ આજે મેં એક ઇન્ટરનેશનલ સ્કુલમાં જઇને તેની ઊજવણી કરી. મને બાળપણની આ દિવસની યાદ ખૂબ આવે છે કે કારણકે ખૂબ એક્ટીવ હોવાથી હું દરેક એક્ટીવીટીમાં પાર્ટ લેતી હતી. તૈયાર થઇને જવાનું, પાર્ટ લેવાના, સ્વીટ્સ આપે, આ બધું ખૂબ જ આકર્ષક લાગતું. હું નાની હતી ત્યારે મે એક દેશભક્તિ ગીત મેરે દેશ કી ધરતી સોના ઉગલે...ઉગલે હિરે મોતી...પર ડાન્સ પરર્ફોમ કર્યું હતું અને મને ફર્સ્ટ પ્રાઇઝ પણ મળ્યું હતું. હવે આ બધુ યાદ કરીને ખુશ થઇએ છીએ.”

શ્વેતા સિન્હા, એક્ટ્રેસ

“15મી ઓગષ્ટનો દિવસ દેશનો ગૌરવનો દિવસ છે. સવારે રોજ વહેલા ઊઠીને સ્કુલે જવાનું, ઝંડાને સલામી આપવાની, કલ્ચરલ એક્ટીવીટીમાં પાર્ટ લેવાનો બહું મજા આવતી. હું નેશનલ લીડર્સના ડ્રામામાં તેમજ સોલો ડ્રામાં પાર્ટ લેતી. જોકે તે વખતે ખબર નહોતી કે તે જ એક્ટીંગ કરીયર બની જશે. જોકે નેશનલ લીડરના કરેક્ટરને પ્લે કરવામાં ખૂબ પ્રાઉડ ફીલ થતું અને સાથે જ થોડુ મુશ્કેલ પણ રહેતું. ડ્રામા કરતી વખતે સમજાતું કે તેમણે દેશ માટે કેટલું બલિદાન આપ્યું છે. કેટલા સેક્રીફાઇસ કર્યા છે. ખરેખર ધન્ય છે તેમને. હું ઇલોક્યુશન સ્પીચમાં પણ ભાગ લેતી. જોકે હવે એ દિવસો વિતી ગયા. હવે બીઝી લાઇફના કારણે તે સમયની કલ્પના કરવી અશક્ય છે. સ્કુલમાં આ બધુ ડિસીપ્લીન અને કમ્પલસરી રહેતું પણ હવે અમારી બીઝી લાઇફમાં તેવી સિસ્ટમ રહી નથી. જ્યારે કોઇ સ્કુલમાં બોલાવવામાં આવે છે ત્યારે બાળકોને જોઇને સ્કુલ ટાઇમના દિવસો યાદ આવે છે. મને આપમા ભારતીયની એક વાત ખૂબ ગમે છે કે જ્યારે પણ ફિલ્મ જોવા જઇએ ત્યારે નેશનલ એન્થમ વખતે દરેક જણ ઊભા થઇને તેનું માન જાળવે છે તેનો આપણે ગર્વ લેવો જોઇએ. આજે એક સ્કુલમાં જઇને મેં આ દિવસને સેલિબ્રેટ કર્યો.”

મુકુલ શર્મા, રાઇટર

નાનપણમાં 15મી ઓગષ્ટના દિવસે શાળામાં સફેદ રંગના કપડા, શૂઝ અને હાથમાં ફ્લેગ લઇને જવાની મજા જ કંઇક અલગ હતી. બુંદીના લાડવા મિઠાઇમાં આપે તેનું આકર્ષણ ખૂબ રહેતું. જોકે હવે એ દિવસો રહ્યા નથી. સ્કુલ કે કોલેજ પછી હું ફ્રેન્ડ્સ સાથે એનજીઓ કે સ્કુલમાં જઇને આ ડે સેલિબ્રેટ કરું છું. અહીં એકવાત કહીશ કે હું પહેલા વિચારતો કે બોર્ડર પર સૈનિકો શા માટે પહેરો ભરતા હશે, ફેમીલી લાઇફ છોડીને ત્યાં રહેવાનું, વળી, લડાઇમાં કોઇ શહીદ થઇ જાય. આ તો કંઇ જીવન કહેવાય. પણ એકવાર જ્યારે હું અને મારો ભાઇ ઘરે હતા ત્યારે ટીવી પર નેશનલ એન્થમ આવતું હતું અને તે ઊભો થઇ ગયો અને હું સૂઇ રહ્યો. નેશનલ એન્થમ પૂરું થયા પછી તેણે મને ખૂબ માર્યો. પછીથી મને ખબર પડી કે હું ઊભો ન થયો એટલે તેણે મને માર્યો હતો. તે વખતે મને સમજાયું કે જો મારા ભાઇને આટલી અસર થતી હોય તો તેની પાછળ કંઇક તો છે જ. બસ ત્યારથી આ બધી બાબતો મને મોટીવેટ કરવા લાગી. સોલ્જર, નેશનલ લીડર વીશે જાણવું વાંચવુ મને હવે ગમે છે. હું માનું છું કે આવા લોકોથી હું ઇન્સપાયર પણ થાઉં છું.”

MPB / KP
Medha Pandya Bhatt

Medha Pandya Bhatt

(લેખિકા ફ્રીલાન્સ જર્નાલિસ્ટ અને ફિલ્મ ક્રીટિક છે.)

More...

Reader's Feedback:

blog comments powered by Disqus

Today Cartoon

 

Opinion Poll

 
અરવિંદ કેજરીવાલ વારાણસીમાં મોદી સામે જીતી શકશે ?
હાં. જીતી જશે 78.91 %
નાં. હારી જશે. 20.45 %
કહીં ન શકાય. 0.64 %

SUBSCRIBE TO FREE "TOP NEWS UPDATES" DIRECTLY ON YOUR MAIL EVERY WEEK.

 

Email Address: